O Trasno das Letras volveu facer das súas!

Co gallo das Letras Galegas, o noso xa coñecido e revoltoso Trasno das Letras regresou ao centro disposto a enredar un pouco e tamén a sorprendernos!

Nesta ocasión deixounos un reto moi especial, tiñamos que construír e crear un pareado. Entre ideas xeniais e bastante imaxinación, conseguimos superalo con nota!

Pero claro, sendo un trasno, non podía marchar sen facer algunha das súas trasnadas. Revolveu aulas, puxo o centro patas arriba e deixou pegadas das súas brincadeiras.

Como recompensa polo noso traballo e pola paciencia coas súas falcatruadas, agasallounos con dous libros en lingua galega para seguir desfrutando da lectura na nosa lingua.

Aquí podedes ver algúns dos momentos máis divertidos e trasneiros desta visita.

O TRASNO DAS LETRAS

Achégase o día das Letras Galegas e o noso Trasno das Letras enviou unha carta dende non sei que lugar do mundo propoñéndonos un novo reto.

Cumprimos o reto con éxito! Fixemos as nosas chapas e conseguimos un novo libro en galego para cada clase.

E así nos deixou o cole este Trasno fedello

O TRASNO DAS LETRAS

" Chega o día e o Trasno espera, a facer das súas polas Letras Galegas"

Este ano recibimos unha carta confidencial nas nosas aulas...Era o TRASNO DAS LETRAS! Se queríamos que nos deixase os seus agasallos debíamos deiaxr unha mensaxe en forma de verso. 

Así escribimos nós os nosos versos...

e así nos deixou o Trasno o cole!!! Aínda que como este ano está adicado ao cómic, de agasallo trouxo un par de cómics en galego para cada clase.

O TRASNO DAS LETRAS

 O Trasno das Letras está a chegar, por iso en galego temos que falar...

Chegan as Letras Galegas, e o Trasno chegou á Escardia. Os nenos e nenas do cole conseguiron completar o reto que lles propoñía o Trasno e por iso, teñen agora nas bibliotecas das súas aulas uns libros moi, moi chulos, pero... o Trasno non pasou polas aulas sen deixar a súa pegada.

O TRASNO DAS LETRAS

Pouco falta para que polas aulas

o Trasno pase,

pero para iso precisa

 que o alumnado en galego fale. 

Así pois, propóñovos un reto:

falar en galego este mes completo.

LETRAS GALEGAS: O TRASNO DAS LETRAS

Onte, 17 de maio foi o Día das Letras Galegas, e como cada ano, o Trasno das Letras visitou o noso cole, deixando uns agasallos en galego para as bibliotecas de aula, dotándoas de contos inclusivos e en galego. Desfrutade dos agasallos do Trasno!