🌈 Teu desexo, meu desexo.

Celebramos o Día da Non Violencia e a Paz cunha actividade moi especial que encheu o centro de ilusión, palabras bonitas e moita esperanza. 

Baixo o título Teu desexo, meu desexo, o alumnado converteuse en protagonista dunha experiencia colectiva na que os soños, os sentimentos e os proxectos de aula camiñaron da man. Cada nena e cada neno tivo a oportunidade de pedir un desexo de paz, pero non unha paz abstracta ou distante, senón unha paz próxima, real, construída dende o día a día. Os desexos naceron vinculados aos proxectos que se están a traballar en cada aula, demostrando que aprender tamén é coidar, respectar e imaxinar un mundo mellor.

Os desexos foron moi variados e cheos de significado: desexos de paz e boa convivencia, de coidado da natureza e dos seres vivos, de amor por Galicia, pola nosa lingua e pola nosa terra. Pequenas mensaxes cargadas de ilusión que nos invitan a reflexionar e a soñar.

A partir destes desexos, o alumnado realizou unha recreación artística inspirada na obra da artista brasileira Rivane Neuenschwander, transformando as palabras en creacións visuais cheas de cor, emoción e simbolismo.

Esta exposición fíxose aínda máis especial porque algunhas familias tamén quixeron participar deixando o seu propio desexo, colaborando e sumando as súas voces a esta mostra tan emotiva.

Porque cando compartimos os nosos desexos, a paz convértese nun camiño que se constrúe entre todas e todos. 💙

DÍA DA PAZ E DA NON VIOLENCIA

No Día da Paz e a Non Violencia, o alumnado traballou sobre diferentes conflitos bélicos

                        

empregando RadioSaleta para recoller toda a información que aprenderon. Podedes acceder aos podcast clicando no seguinte enlace:

O alumnado do club de ciencias tamén elaborou un percorrido co Tren Intelino con varias estacións da PAZ, sobre cada un dos conflitos existentes no mundo traballados en cada clase. Para iso, traballamos a programación, a construción de estacións con lego e a creación de bandeiras co lápis 3D. Así de chulo quedou:

E como non, rematamos a xornada cantando xuntos a canción "WE ARE THE WORLD".

LECTURAS POLA PAZ

 Bos días, Berberech@s!

Falta pouquiño para que conmemoremos o Día da PAZ e a NON VIOLENCIA. En BiblioSaleta queremos ensinarvos unha morea de lecturas a través das cales traballaremos a amizade, o compañerismo, a non violencia e a resolución de conflitos. Deixamos aquí unha pequena mostra...e se queredes ver máis, poderedes atopalas na nosa biblioteca.

DÍA DA PAZ

Chega o 30 de xaneiro: Día da Paz e a Non Violencia.

En bibliosaleta xa temos as nosas recomendacións lectoras.

Os nenos e nenas da Escardia realizamos xogos cooperativos sobre o Día da Paz e conseguimos completar unha xincana coa que aprendimos a canción Rumba das apertas:

O alumnado de primeiro ciclo tamén creou uns murais con frases por un planeta cheo de PAZ.

E o alumnado de 3º de primaria creou a súa galaxia da paz, adicando cada planeta a un personaxe histórica que loitou pola paz.

DÍA DA PAZ

Bo día!

Hoxe 30 de xaneiro é o DÍA MUNDIAL DA PAZ E A NON VIOLENCIA, e na Escardia, quixemos conmemoralo traballando en equipo. Por iso, realizamos un test de convivencia e unhas actividades de traballo cooperativo moi chulo.

Ademais,  cantamos ao ritmo de Nil Moliner para reivindicar a paz coa nosa sinal de sentido obrigatorio cara a paz xunto ao noso mural.

Deixámos tamén unha serie de recomendacións lectoras sobre a Paz.

DÍA DA PAZ E DA NON VIOLENCIA

Ademais de cantar a canción de Apertas que voan e traballar as súas estrofas na clase, escribíndoas nos muíños de vento de cores, tamén fixemos o MERCADO DAS CARICIAS, pois como nos decía o conto Ata que nos poidamos abrazar: " hai moitos xeitos de demostrarlle a alguén que o queres". 

Para estar sans temos que coidar a nosa alimentación, pero tamén a emoción e a convivencia entre nós. Por ese motivo, neste mercado, a pesar de non poder xuntarnos, cada neno e nena do cole recibiu un xesto cariñoso dos seus compañeiros.

DÍA DA PAZ E DA NON VIOLENCIA

 Bos días, Berberech@s!

O día 21 de xaneiro foi o día mundial do ABRAZO...deses abrazos que pouco usamos dende que comezou a pandemia...eses que reconfortan, que nos achegan uns aos outros e que nos fan ter unha convivencia moito máis agradable, mais... aínda que non nos poidamos abrazar...hai moitas outras formas de lle demostrar a alguén que o queres.

Por iso, hoxe, en conmemoración do Día escolar da PAZ e da NON VIOLENCIA, os nenos e nenas de todo o cole, como padriños e madriñas lectoras que son, prepararon un contacontos para todos os seus afillados e afilladas. Para que a pesar de non poder xuntarnos, todos vexamos o conto "Ata que nos poidamos abrazar".

Desfrutádeo moito, porque tamén fixemos unha canción para que as nosas apertas cheguen a todos os nosos compañeiros/as: "Apertas que voan" (de Paco Nogueiras).

 CONTACONTOS: 

ATA QUE NOS POIDAMOS ABRAZAR

Padriños e madriñas lectoras de 3 anos: CONTO

Padriños e madriñas lectoras de 4 anos: CONTO

Padriños e madriñas lectoras de 5 anos: CONTO

Padriños e madriñas lectoras de 1º primaria: CONTO

Padriños e madriñas lectoras de 2º primaria: CONTO

Padriños e madriñas lectoras de 3º primaria: CONTO

Padriños e madriñas lectoras de 4º primaria: CONTO

Padriños e madriñas lectoras de 5º primaria: CONTO

Padriños e madriñas lectoras de 6º primaria:   CONTO

CANCIÓN: Apertas que voan

DÍA DA PAZ E A NON VIOLENCIA

 Bos días, Berberech@s!

Déixovos aquí algúns dos libros relacionados co Día Escolar da Paz e a Non Violencia, que temos na nosa biblio.