Un espazo cheo de libros e historias para achegarnos a temas como o acoso escolar, o 25N, a igualdade, a diversidade ou a discapacidade.
Porque ler tamén é unha forma de educar na inclusión, no respecto e na igualdade.
Mostrando entradas con la etiqueta 25N. Mostrar todas las entradas
Mostrando entradas con la etiqueta 25N. Mostrar todas las entradas
25N. Cociñando o bo trato!
Este curso, para conmemorar o Día Internacional da Eliminación da Violencia contra a Muller, puxémonos mans á obra cun reto moi especial.
Cada aula recibiu unha misión: crear unha parte dun gran mural colectivo. O máis divertido foi que ninguén sabía o que estaban a facer as demais clases nin como sería o resultado final. Había moita intriga! Sería un debuxo? Unha mensaxe? Un collage?
Pouco a pouco fomos xuntando todas as pezas, coma se se tratase dun enorme crebacabezas. E cando por fin o montamos... sorpresa! Entre todas e todos crearamos un mural precioso. Unha mostra de que, aínda que cada persoa achegue unha pequena parte, cando traballamos en equipo conseguimos cousas marabillosas.
Pero a actividade non rematou aí. Como bos cociñeiros e cociñeiras do Bo Trato, cada aula elaborou a súa propia receita. E que ingredientes descubrimos que son imprescindibles? Unha cunca chea de respecto, dúas culleradas de empatía, un bo chisco de igualdade, moita escoita, varias pingas de amizade e unha morea de ganas de axudar aos demais. Mesturámolo todo con cariño e... xa temos a receita perfecta para convivir mellor!
Ao longo da actividade tamén reflexionamos sobre algo moi importante: construír un cole libre de violencia machista é unha tarefa de todos os días. Facémolo cando respectamos aos demais, cando coidamos as nosas palabras, cando axudamos a quen o necesita e cando aprendemos a convivir en igualdade.
Recomendacións lectoras para pensar, sentir e transformar
Novembro chega cargado de datas importantes que nos convidan a reflexionar e actuar: o 20 de novembro, Día Internacional dos Dereitos da Infancia, e o 25N, Día contra a Violencia de Xénero.
Desde a biblioteca queremos acompañar estas conmemoracións cunha selección de lecturas que inspiran, emocionan e axudan a construír un mundo máis xusto e igualitario.
Durante todo o mes atoparedes un espazo especial con recomendacións para todas as idades: contos e historias que falan de respecto, amizade, liberdade, igualdade e valentía. En definitiva, libros que nos axudan a entender o mundo e tamén a melloralo.
25 N
Hoxe, 25 de novembro conmemoramos o DÍA INTERNACIONAL DA ELIMINACIÓN DA VIOLENCIA DE XÉNERO dándolle visibilidade á realidade educativa que viven as nenas en diferentes lugares do mundo. Así pois, o noso alumnado investigou e creou diferentes podcast nos que nos explican estas realidades do mundo.
.jpeg)
Podedes escoitar os podcast feitos polo alumnado clicando no seguinte enlance:
Dende bibliosaleta, tamén queremos recomendar as lecturas violetas, para traballar o 25N, dispoñibles xa na biblioteca!
PLANETA VIOLETA 25N
Os nosos planetas violetas xa están nos comercios de Vilagarcía!
Nós somos parte do planeta violeta. E ti?
25 N PLANETA VIOLETA
Bos días, Escardiáns da Galaxia!
En conmemoración do 25N, o alumnado colgou a súa estrela con desexos para formar un mundo de igualdade, creando así o PLANETA VIOLETA.
.jpeg)
.jpeg)
LECTURAS 25N
OS MONSTROS GRANDES NON CHORAN:
A Monstruo Pequeño todo lle sae xenial. En cambio, Monstruo Grande é tremendamente patoso. Monstruo Grande ponse cada vez máis triste, pero que pode facer? Todo o mundo sabe que os smonstros grandes non choran.
ORELLAS DE BOLBORETA:
Este conto, que tanto nos gusta, dota a infancia de recursos para xestionar comentarios que poden ser ferintes acerca de nós mesmas. Mara, a súa protagonista, atopa inxeniosas formas de darlles a volta e de mostrar ao mundo como é ela, potenciando o valor da autoestima para previr este tipo de violencia.
ARTURO E CLEMENTINA:
Un conto que fala dunha das formas de violencia, a psicolóxica, aquela na que de maneira sutil e constante se vai descalificando, humillando e ridiculizando, o que fai que aautoestima se vexa danada. Arturo e Clementina, os protagonistas, van contando como viven e que esperan desa relación. Un conto para traballar temas como a autoestima, igualdade de xénero e a violencia de xénero.
EU VOU COMIGO
Un conto que nos fai reflexionar acerca da autoestima, o importante que é ser como somos e non ser como os demáis esperan que sexamos. Á protagonista gústalle Martín e vaies quitando pouco a pouco cousas para que se fij¡xe nela . É un conto que fai ver que as diferenzas son a esencia das persoas e o importante é ser e seguir sendo ti mesma.
LOS HOMBRES NO PEGAN:
“Los hombres no pegan”, é un conto que trata de chamar a atención contra a violencia familiar e de xénero. É un aviso contra a masculinidade mal entendida, contra a desigualdade entre homes e mulleres, contra o maltrato doméstico, contra as estruturas de poder que permiten que as familias e as súas relacións se conviertan nun terror cotián.
EL CHUBASQUERO DE AURORA
Un monstro chega a casa de Aurora todas as noites atemorizando á nena e á súa nai. Aurora síntese indefensa e asustada, e a súa nai regálalle un chubasqueiro máxico para que faga desaparecer o medo que o envolve todo.
DÍA CONTRA A VIOLENCIA DE XÉNERO
Bos días!
Hoxe é o 25 de novembro, DÍA CONTRA A VIOLENCIA DE XÉNERO.
Con motivo desta conmemoración temos preparadas unha chea de actividades chulísimas pero, a primeira de todas, é o vídeo que nos invita a poñernos as gafas violetas para ver o mundo doutra cor con máis perspectiva. Esperamos que vos guste!
STOP VIOLENCIA DE XÉNERO
.jpeg)
.jpeg)
CONTACONTOS POLA IGUALDADE
Esta semana, preparándonos para o 25N as nenas de sexto realizaron uns contacontos sobre igualdade de xénero para os máis pequenos do cole, achegándonos así, un pouquiño máis a conseguir o obxectivo 5 da Axenda 20-30:
E para ler máis contos sobre este tema, déixovos unhas recomendacións lectoras fabulosas. Desfrutádeas!
25 N DÍA CONTRA A VIOLENCIA DE XÉNERO
Bos días a todos e a todas!
Hoxe conmemoramos no noso cole o Día contra a violencia de xénero, por iso traio unhas recomendacións lectoras axeitadas para este día.
Moi pronto veredes tamén as cousas tan chulas que fixemos!
Suscribirse a:
Entradas (Atom)