TITORIAIS

Este curso na Escardia adquirimos un montón de xogos de pensamento computacional. O noso alumnado está encantado con eles. E os nenos e nenas de 3º e de 6º de primaria realizaron presentacións e titoriais sobre eles para ensinarnos a xogar:

TITORIAL ELBE.2. PLATAFORMA DE LECTURA DIXITAL

 Comezamos este trimestre cunha novidade na biblioteca. Xa temos lista a plataforma de lectura dixital ELBE.2. 

Cada alumno/a recibirá un carnet co seu usuario e contrasinal co que poderá acceder á plataforma e realizar o préstamo de libros dixitais. 

Deixámosvos un pequeno titorial realizado polo alumnado de 6º de primaria, así como o enlace as instrucións aportadas pola Asesoría de Bibliotecas Escolares de Galicia, para consultar calquera dúbida, xa que se trata dun recurso de lectura inclusivo, do que podemos disfrutar, alumnado, profesorado e familias.

 INSTRUCIÓNS: https://www.edu.xunta.gal/biblioteca/blog/?q=node/1615

Adiante coas lecturas!

BUSCADOR DE LIBROS

 Bos días a tod@s @s usuari@s da biblioteca do CEIP A Escardia.

Temos como novidade, no noso blog, un buscador de libros para que dende calquera sitio poidades consultar o catálogo da nosa biblioteca.

Recordade que se non hai o libro que andades buscando, sempre o podedes anotar na caixa de suxestións.

XORNAL O PAPAGAIO

 E falando de diferentes lecturas...

chega á nosa biblio o Xornal Papagaio! Pois a lectura informativa ou de lecer nos xornais tamén é moi importante. Por iso, dende a nosa biblioteca queremos formar aos nosos usuarios e usuarias na lectura xornalística, así que as hora de lectura dos XOVES serán con X de XORNAIS.

Incluimos tamén no blog un enlace para que poidades consultar as publicacións do xornal en liña, accedendo dende o menú LOGIN e introducindo sempre os vosos datos identificativos (usuario e contrasinal).