Un ano máis, o noso
cole encheuse de cor, tradición e ilusión coa celebración dos Maios, unha das
festas máis fermosas e significativas da nosa cultura galega, pero tamén do
centro.
Ao longo da xornada, todo
o alumnado, desde os máis pequenos e pequenas ata os/as maiores, participou con
entusiasmo na elaboración dos maios, compartindo tempo, creatividade e
convivencia nun día moi especial. Con materiais naturais como: pétalos, flores,
pampullos, bugallos, ovos, laranxas... fomos dando forma sobre bases de xesta e
fiúncho, tal e como marca a tradición.
Esta celebración,
profundamente arraigada en Galicia, simboliza a chegada da primavera, o renacer
da natureza e o tempo das flores, e acompáñase tradicionalmente de coplas e
cantigas arredor dos maios, mantendo vivo o costume ancestral do noso
patrimonio cultural.
Este ano, ademais, a
actividade cobra un significado especial ao estar directamente vinculada co
noso proxecto de centro “En galego!”, reforzando o valor da lingua, da cultura
e das tradicións propias como sinais da nosa identidade.
Entre as creacións
destacou tamén o maio artístico elaborado polo alumnado de primeiro ciclo: unha
fermosa pandeireta cos seus dous bailadores, homenaxe ao folclore galego e á
importancia da música e da danza tradicional.
E ao final do día, como
cada ano, chegou o momento máis esperado da xornada: a presentación dos maios
diante de todo o cole.
Co patio cheo de
emoción, compartimos as nosas creacións e cantamos xuntos as coplas. Os máis cativos
e cativas interpretaron o maio tradicional, mentres que o alumnado maior puxo
voz ao maio satírico deste ano, creado a partir de temas de actualidade,
situacións do cole e moito enxeño.
Un día para crear,
convivir, aprender e celebrar.
.jpeg)
.jpg)
.jpeg)
.jpeg)
.jpeg)
.jpeg)
.jpeg)
