Biblioteca creativa. Ana Miguéns achega arte e tradición ao noso cole.

Para pechar o Mes das Artes Galegas neste abril, recibimos con moita ilusión a visita de Ana Miguéns, artista vilagarciá e referente na divulgación da cultura galega a través da súa xoiería artesanal.

Da súa man, o alumnado de Infantil e Primaria participou en varios obradoiros nos que arte, tradición e identidade galega se deron a man. 

Durante a actividade, cada neno e nena elaborou un colgante con motivo galego, decorándoo con distintos produtos agrícolas e exaltando así o valor do noso rural e das nosas raíces.

Foi unha experiencia moi especial na que o alumnado participou con gran entusiasmo, desfrutando de cada paso do proceso creativo e implicándose ao máximo na elaboración das súas xoias. Con destreza e moita ilusión, puxeron en práctica todas as súas habilidades artísticas para crear pezas únicas e verdadeiramente sorprendentes.

O resultado foi algo tan bonito e espectacular como o que podedes ver:

📸 Día das Artes Galegas. Recreando a mirada de Xosé Suárez

Con motivo da celebración do Día das Artes Galegas, este ano levamos a cabo un reto fotográfico moi especial que hoxe queremos compartir convosco: "Mudar a lente. Reinterpretando a Xosé Suárez".

Nesta ocasión, a actividade estivo centrada na figura de Xosé Suárez, destacado fotógrafo galego coñecido polas súas imaxes cheas de sensibilidade e polos seus retratos, capaces de recoller a esencia da vida e das persoas.

O desafío consistía en recrear algunhas das súas fotografías máis representativas do artista e o resultado foi simplemente xenial! Participou tanto o alumnado como as familias, o que fixo desta actividade unha experiencia compartida, creativa e moi divertida.

Aquí tedes os resultados: unha selección de imaxes creadas nas que se mestura a inspiración do autor co talento e a imaxinación dos nosos pequenos e pequenas artistas.

Grazas por participar!

DÍA DAS ARTES GALEGAS

 Este ano, no Día das Artes Galegas traballamos a tradicional cerámica de SARGADELOS, facendo creacións tan fantásticas como estas, aproveitando para xuntar a cultura galega de Sargadelos con elementos típicos doutros lugares do mundo que estamos a traballar no noso proxecto.