RETO LECTOR

Bo día, berberech@s!

Comezamos un novo "Reto lector" con desafíos mensuais.

ATA O VINDEIRO CURSO, BERBERECH@S!

Despedimos outro curso xunto aos nosos axudantes de biblioteca e a todos os berberechos e berberechas que conseguiron completar o reto lector deste curso.

Como recoñecemento ao seu traballo, esforzo e compromiso coa lectura, os axudantes elaboraron estas fantásticas bolsas e o equipo da biblioteca deseñou e creou, coa cortadora láser, estes chulísimos lapis e marcapáxinas personalizados da nosa biblioteca.

Alumnado que superou o Reto lector:

Axudantes de biblioteca:

 

 

Grazas por formar parte desta aventura lectora!

Agardámosvos o vindeiro curso con moitas máis historias por descubrir!

Recomendacións lectoras para o mes de maio

Maio chega cargado de flores e de historias para descubrir!

Este mes propoñémosvos lecturas moi especiais para celebrar as nosas tradicións e as nosas letras:

Para traballar os maios:

📖 Maios e desmaios, unha lectura perfecta para mergullarse nesta fermosa tradición galega.

Polo Día das Letras Galegas e para coñecer á escritora homenaxeado Begoña Caamaño:

📖 Os fíos de Begoña

📖 Begoña ou o pracer da amizade

Animádevos a descubrilos, lelos… e, por suposto, pasade pola biblioteca para botarlles unha ollada e levalos en préstamo!

E non vos esquezades do reto lector! O desafío deste mes é ler unha obra en galego.

Agardámosvos entre andeis!

📚✨ Abril en viñetas! ✨📚

Este mes de abril, as nosas recomendacións lectoras mergúllanse de cheo no apaixonante mundo da banda deseñada, un xénero que nos invita a ler dun xeito diferente e moi divertido.

📖 Ademais, a banda deseñada convértese tamén no reto mensual de abril dentro do noso Reto lector!

As historias en cómic son moito máis que debuxos: son aventuras cheas de emoción, humor e imaxinación, onde cada viñeta conta algo especial. Por iso, propoñémosvos convertervos en auténticos expertos lectores deste xénero, prestando atención á orde das viñetas, aos diálogos e aos pequenos detalles que fan que cada historia cobre vida.

No recuncho de recomendacións lectoras atoparedes algúns dos recursos e propostas que temos preparados para vós: cómics divertidos e recomendacións feitas polos voluntarios e voluntarias de biblioteca. 

Animádevos a mergullarvos neste universo de cores e aventuras. Quen sabe! Quizais o próximo gran cómic saia da vosa imaxinación!

🌹 23F. Celebramos o Día de Rosalía!🌹

Cada 23 de febreiro celebramos con orgullo o Día de Rosalía de Castro, unha das voces máis importantes da nosa literatura e símbolo da nosa lingua e identidade. Pero no cole non nos conformamos cun só día!

Ao longo de toda esta semana, e mesmo durante todo o mes de febrero, mergullámonos no seu universo poético: coñecemos os seus poemas, sentimos as súas palabras e descubrimos como a poesía pode emocionar, facer pensar… e tamén divertir!

🌼 “Polo Día de Rosalía que agrome a poesía” 🌼

Este foi o nome da actividade estrela da semana. E non puido ser máis fermosa!

O alumnado converteuse en xardineiro da palabra e puxo mans á obra para crear unha plantación moi especial. Cada nena e neno o aula elaborou unha flor única, diferente e chea de personalidade. Nas súas follas escribiron poemas de Rosalía ou inventados por eles e elas, deixando voar a súa imaxinación.

O resultado? Unha auténtica explosión de creatividade! Un xardín onde reinan as cores vivas e alegres, a imaxinación sen límites, as distintas técnicas plásticas e, por riba de todo, o amor pola poesía.

Cada flor é diferente, como cada poeta. Cada pétalo agocha palabras que emocionan. Cada talo sostén ilusión e esforzo.

Ademais, durante todo o mes de febreiro contamos tamén cun recuncho de lectura dedicado a Rosalía e á poesía. Un espazo preparado para convidar á calma, á lectura compartida e ao descubrimento de novos versos.

Libros de poesía, seleccións adaptadas ao alumnado, recomendacións lectoras… Todo disposto para que quen quixese puidese achegarse, sentar e deixar que a palabra poética fixese o resto.

E non só iso! Lembramos que o desafío de lectura mensual do “Reto lector” do mes de febrero encheu o noso centro de ritmo, musicalidade e emoción. Porque a poesía non só se le… tamén se escoita, se sente e se comparte.   

Ao longo destas semanas tamén levamos a cabo unha fermosa experiencia de apadriñamento/amadriñamento lector entre maiores e cativos/as.

Nesta ocasión, a temática non podía ser outra: a poesía.

Os maiores convertéronse en guías e modelos lectores, compartindo versos, explicando significados e acompañando aos máis pequenos na descuberta do ritmo e da musicalidade das palabras.

Foron momentos de complicidade, aprendizaxe compartida e moita emoción.

Celebrar o Día de Rosalía é celebrar a nosa lingua, a nosa cultura e a forza das palabras. Pero, sobre todo, é lembrar que a poesía pode agromar en calquera lugar… se a coidamos. E no noso cole, este ano, a poesía floreceu con máis forza ca nunca. 🌷✨

RETO LECTOR

Bo día, berberech@s!

Comezamos un novo "Reto lector" con desafíos mensuais.

Animádevos e desfrutade das lecturas!

AGASALLOS FINAIS

Despedimos outro curso cos nosos axudantes de biblioteca e todos os berberechos e berberechas que conseguiron rematar o reto lector deste curso. Como agasallo polo seu traballo e esforzo, os axudantes crearon estas fantásticas bolsas e o equipo de biblio creou coa cortadora láser estos chulísimos lápices e marcapáxinas personalizados da nosa biblioteca.

RETO LECTOR

 Boas Berberech@s!

Chega o mes de abril cun novo reto para completar o noso reto lector. Toca ler CÓMIC!! Tedes na biblioteca unha morea de libros de banda deseñada para desfrutar deles. Adiante coas lecturas!!

SAMAÍN

 Chega o Samaín á Escardia! E en Bibliosaleta queremos compartir unha morea de lecturas terroríficas de de misterio. Pasádevos pola biblioteca e poderedes desfrutar delas e así, tamén poderedes completar a primeira misión do reto lector deste ano.

RETO LECTOR

Falta moi pouquiño para que comece un novo reto lector con novos desafíos.

Animádevos a participar e desfrutar das lecturas!

RETO LECTOR

 Este ano, o número de alumnos e alumnas que realizaron o reto lector foi moito máis elevado que o pasado curso. Por iso, entregamos os diplomas e os merecidos agasallos realizados coa nosa impresora 3d aos super lectores e lectoras de infantil e de primaria. 

Desfrutade das lecturas!

RETO LECTOR DECEMBRO

 Chega decembro e continuamos na biblio co reto lector. Este mes toca escoller un libro para ler en familia. Adiante coas lecturas!

RETO LECTOR OUTUBRO: CONTOS DE MEDO E TERROR

 Comezamos outubro co reto lector deste mes, contos de medo e de terror...Estades preparad@s para Samaín?

RETO LECTOR

Bos días, Berberech@s!

Comezamos un novo reto lector.

Cada mes teremos unha nova temática para ler. Desfrutade das lecturas!

RETO LECTOR E AXUDANTES DE BIBLIOTECA

 Rematamos o curso facendo entrega dun pequeno agasaio a todos os nenos e nenas que, desfrutando das lecturas durante este curso, conseguiron completar o reto lector, e aos axudantes de biblioteca que colaboraron en todas as tarefas deste curso. 

Noraboa a tod@s!

RETO LECTOR DE MARZO

 Xa queda menos para rematar o noso reto lector.

 Este mes de marzo comezamos coas lecturas de teatro.

Deixamos aquí algunhas das recomendacións lectoras de teatro máis chulas da nosa biblio.

RETO LECTOR DE ARTE

 Bo día, Berberech@s!

No mes de xaneiro tivemos o reto lector de arte e, os nenos e nenas de 6º de primaria traballaron na materia de plástica a figura de Picasso, creando estas fantásticas representacións. 

Mirade que chulas quedaron!