DÍA DE ROSALÍA

 Este ano, co noso proxecto Escardiáns polo mundo, no día de Rosalía de Castro traballamos os seus poemas referidos á imigración dos galegos e galegas polo mundo. 

Na biblio deixamos á vosa disposición un montón de recursos para traballar a figura de Rosalía e a súa obra. 

E aquí amosamos algúns dos traballos que fixo o alumnado:

O alumnado de 4º de primaria traballou a Rosalía a través dos circuitos:

E o alumnado de 5º e 6º mergullouse na viaxe cara a Habana:

DÍA DE ROSALÍA DE CASTRO

 Bos días, Berberech@s!

Hoxe, 23 de febreiro, conmemoramos o DÍA DE ROSALÍA DE CASTRO. Todos e todas estivemos traballando moito sobre Rosalía e por iso, creamos un díptico informativo onde plasmamos todo o noso traballo.

E como temos o proxecto do universo, o alumnado de 3º e 4º recreou con E-textil a constelación na que se atopa a ESTRELA DE ROSALÍA.

Na clase de música tamén cantamos algunhas musicalizacións de poemas de Rosalía. Aquí podedes escoitalas:

DÍA DE ROSALÍA DE CASTRO

 Hoxe, 24 de febreiro é o día de ROSALÍA DE CASTRO e, despois de moito traballar nas aulas sobre ela e a súa obra, quixemos homenaxeala con estas fantásticas actuacións.

As nenas e nenos de 1º de primaria quixeron amosarnos o ben que recitaron o poema Adiós ríos adiós fontes  con lingua de signos, unha forma inclusiva de achegar a poesía a todos e todas.

Fragmento do poema Has de cantar, recitado polo alumnado de 3 anos en lingua de signos:

 Has de cantar, recitado polo alumnado de 5º de primaria:

Negra Sombra, recitada polo alumnado de 6º de primaria:

Adiós ríos, adiós fontes, recitado polo alumnado de 4 anos en lingua de signos:

O alumnado de 1º e 2º de primaria interpretou a canción de Rosalía pequeniña, de Uxía, acompañada dunhas diapositivas onde o alumnado representaba as estrofas da canción.

Eu ben vin estar o moucho, interpretada polo alumnado de 5 anos:

Un repoludo gaiteiro, recitado polo alumnado de 4º de primaria:

E para rematar, un conxunto de estrofas pertencentes a diversos poemas de Rosalía, recitados polo alumnado de 3º de primaria, incluíndo tamén a lingua de signos:

DÍA DE ROSALÍA

 Bos días, Berberech@s!

Dentro de pouco vai ser o DÍA DE ROSALÍA DE CASTRO, polo que na biblioteca, temos unha selección de libros para traballar a súa obra, musicalizacións dos seus poemas, biografía e moito máis.

DÍA DE ROSALÍA

 Bos días, Berberech@s!

Onte, 23 de febreiro foi o Día de ROSALÍA DE CASTRO, e dende o equipo de dinamización da lingua galega e o de biblioteca, preparamos unha actividade moi chula. Despois de moito traballo e a colaboración de todos e todas, creamos este mural con versos de Rosalía, onde cada clase depositou o seu vaso de zume de poesía, cos versos dos poemas traballados, pois despois de traballar a alimentación saudable, xa coñecemos a importancia de hidratarse correctamente e tomar froita a miúdo. Ademais, incluimos uns códigos QR (unha linguaxe coa que estamos cada vez máis familiarizados e da que tamén debemos facer lectura) cos que poderemos escoitar os poemas.

Déixovos tamén a selección de libros de Rosalía que temos na biblioteca!