bibliosaleta: mochilas viaxeiras

Mostrando entradas con la etiqueta mochilas viaxeiras. Mostrar todas las entradas

🎒 Comeza a aventura polo Día das Bibliotecas Escolares!

As mochilas viaxeiras están preparadas para emprender unha nova viaxe cara aos vosos fogares, berberech@s!

Pero… Temos un pequeno problema! Durante as vacacións de verán, Saleta visitou distintas “bibliotecas de película” e esqueceu as mochilas nalgunha delas. Precisamos a vosa axuda para recuperalas!

Para conseguilo, teredes que superar unha serie de retos relacionados coas bibliotecas que visitou durante as vacacións e descubrir algúns dos seus segredos. Cada desafío resolto achegaravos un pouco máis á mochila viaxeira da vosa aula.

Estades preparados e preparadas para aceptar o reto?

Abride ben os ollos e os oídos, activade o voso enxeño e traballade en equipo. A aventura está a piques de comezar e as mochilas viaxeiras agardan por vós!

Que comece a misión: rescatar as mochilas viaxeiras! 🎒📖

Educación Infantil

1º ciclo de Educación Primaria

2º ciclo de Educación Primaria

3º ciclo de Educación Primaria

Aventuras entre libros no Día das Bibliotecas Escolares 📚

Hoxe é un día moi especial, pois celebramos o Día das Bibliotecas Escolares!

Como cada ano, as nosas "mochilas viaxeiras" están listas para comezar o seu percorrido polos fogares do noso alumnado. Pero atención, non será tan doado conseguilas!

Antes, o alumnado enfrontarase a unha serie de desafíos misteriosos cos que coñecerá algunhas das bibliotecas máis curiosas de Galicia.

Velaquí os retos!

Educación Infantil:

Educación Primaria:

Bo traballo, berberech@s! Sabía que o conseguiríades!

Dentro das mochilas atoparán libros marabillosos, propostas lectoras para compartir en familia e moitas sorpresas para facer da lectura un momento especial na casa.

Cada semana, unha nova familia será parte desta aventura.

A mochila viaxa, pero as historias quedan connosco para sempre!

DÍA DAS BIBLIOTECAS

O 24 de outubro é o DÍA DAS BIBLIOTECAS ESCOLARES e en BiblioSaleta aventurámonos a coñecer outras bibliotecas do mundo, descubrindo un montón de cousas interesantes. Ademais, nestas bibliotecas, tivemos que resolver unha serie de retos, traballando a CDU, para atopar os libros que forman as nosas mochilas viaxeiras deste curso.