Durante o mes de marzo, a Carpeta das Letras, unha proposta que pretende traballar distintas tipoloxías textuais e xéneros literarios como o cómic, a narrativa, a poesía, o teatro ou a prensa, viaxou polas aulas de Infantil e Primaria, enchéndoas de palabras, xogos e imaxinación.
Foi unha experiencia dinámica e motivadora na que o alumnado puido explorar distintas formas de expresión, dun xeito lúdico e participativo, facendo da lingua unha ferramenta para crear, compartir e gozar.
As aulas convertéronse en espazos vivos, cheos de historias e ideas que ían medrando co paso da carpeta.
Ademais, esta iniciativa coincidiu coa conmemoración da poesía e do cómic, facendo de marzo un mes moi especial para celebrar a palabra e a creatividade.
No hay comentarios:
Publicar un comentario