Benvid@s ao Club de lectura de Saleta!

Bo día, berberech@s!

O curso arrinca con forza e... con microalgas moi especiais!

O alumnado de 5º e 6º participante no Club de lectura xa está traballando arreo nunha nova aventura lectora que promete ser emotiva, visual e chea de creatividade. E que mellor maneira de comezar que cunha obra de banda deseñada fresca, colorida e chea de vida?

Estamos a falar de Microalgas. O mar de Ardora, da autora e ilustradora Xulia Pisón.

Microalgas é unha historia onde as pequenas cousas, tan pequenas que ás veces pasan desapercibidas, convértense nas protagonistas dun océano cheo de ciencia, ecoloxía e moita imaxinación. As viñetas de Xulia Pison son unha explosión de cor e movemento, perfectas para mergullarse nelas.

Animádevos a unirvos a esta iniciativa o vindeiro curso, a participar, a comentar, comrpartir, crear... Pero, sobre todo, a gozar da lectura!