O alumnado de 3º e 4º de Primaria viviu unha xornada moi especial. Armados de lapis, papel e ilusión, desprazáronse ata o pesqueiro pobo de Carril para desfrutar dunha actividade artística ao aire libre.
A mañá comezou cunha pequena andaina polo paseo marítimo ata chegar ao embarcadoiro, onde contemplaron a illa de Cortegada, tan próxima e tan chea de misterio.
Entre o arrecendo de salitre e o son dos pescadores e pescadoras, cada nena e neno buscou un recuncho para poñerse mans á obra.
Co mar de fondo e o ceo azul por lenzo, deixaron voar a súa creatividade. Pintaron a illa, as árbores, as embarcacións, a baliza... Mesmo algún cormorán decidiu coarse nas súas obras!
Despois de tanto arte e inspiración, tocou recuperar forzas cunha merecida parada para tomar a merenda e pasar un tempo no parque.
Foi, sen dúbida, unha mañá diferente e un día para lembrar!
No hay comentarios:
Publicar un comentario