Creatividade a toda cor na biblioteca!

Hoxe a biblioteca volveu converterse nun pequeno laboratorio de maxia e imaxinación. Durante a hora de lecer, o alumnado lanzouse de cabeza a un dos retos máis apaixonante: crear e construír coas pezas de LEGO.

O resultado? Unha auténtica marabilla! Pero o máis bonito de todo foi ver como traballaron en equipo, compartindo ideas e apoiándose. 

Porque cando se xunta creatividade, compañeirismo, un montón de ideas e pezas de cores só pode saír algo xenial!

Non hai dúbida! O alumnado da Escardia ten un talento enorme para a construción, unha imaxinación sen límites e moitas ganas de crear.

Seguiremos construíndo momentos así, peza a peza!