🎭📚 O Entroido chega á biblioteca! 📚🎭

Xa está aquí o Entroido, unha das festas máis queridas e auténticas da nosa tradición! Na biblioteca non podiamos quedar atrás e traémosvos novidades e recomendación lectoras para mergullarnos nesta celebración chea de cor, historia e diversión.

Se queres descubrir quen son os cigarróns, por que corren as pantallas ou que papel teñen os peliqueiros, atoparás libros informativos e ilustrados que explican a orixe e os segredos do Entroido. Unha viaxe fascinante polas máscaras máis emblemáticas de Galicia!

Contos cheos de humor, disfraces tolos, mecos travesos e celebracións inesquecibles… Historias ideais para traballar na aula ou en familia, coñecer vocabulario propio do Entroido e comprender o significado desta festa tan especial.

Tamén atoparedes libros con propostas de actividades: como facer máscaras tradicionais, receitas típicas ou xogos populares. Porque o Entroido non só se le… vese, cóntase, cómese e vívese!

Estas lecturas agárdante na biblioteca! 🎉