Hoxe tivemos a sorte de gozar de dúas divertidísimas sesións
de teatro en inglés da man da compañía Face to Face Theatre, nas que o noso
alumnado non parou de rir, cantar, bailar e participar!
🐝 Busy Bee (destinada a Infantil e 1º
de Primaria) levou aos máis pequenos a acompañar a unha simpática abella na súa
importante misión: atopar flores para facer mel e preparar unha deliciosa torta
de aniversario para a súa raíña. Polo camiño contou coa axuda de varios amigos
moi especiais e, por suposto, tamén coa colaboración do alumnado, que
participou activamente cantando, bailando e formando parte da historia.
⏳ The Time Machine (destinada a 3º, 5º e 6º
de Primaria) transportounos a unha aventura chea de humor e sorpresas. Jane,
unha cavernícola da Idade de Pedra, atopou unha máquina do tempo coa que viaxou
ao futuro, descubrindo mundos descoñecidos e vivindo situacións moi divertidas.
O alumnado converteuse tamén en protagonista da obra, participando na
representación, interactuando cos actores e gozando de cancións e bailes en
inglés.
Foi unha experiencia moi dinámica e motivadora.
No hay comentarios:
Publicar un comentario