Chegan "Os detectives zopencos" á biblioteca

Temos grandes novas para os nosos pequenos lectores!

A biblioteca do cole acaba de sumar unha colección que promete risas, misterio e moita diversión: “Os detectives Zopencos”. Si, si, zopencos! Porque non todos os detectives teñen que ser serios, elegantes e infalibles. Ás veces, os máis despistados son os que viven as aventuras máis sorprendentes! 

Nesta colección atoparedes historias cheas de enredos, pistas imposibles, situacións disparatadas e personaxes que farán que non poidades parar de rir. Pero ademais de pasalo en grande, tamén poñeredes a proba o voso enxeño. 

Seredes capaces de resolver os misterios antes ca eles?

Agardámosvos na biblioteca!